Янцгаадаг тугал
Хоёр тугалын хажуугаар нэгэн адуу янцгаан давхин одов. Хоёр ногоон саарал тугал маань газар ширтэн зогссоноо янцгааж байна. Би зүүдэлж байгаа болохоор гайхсангүй… Хажуугийн хашааг хэмх дайран нэгэн чоно дүүлэн гарч ирээд өнөө хоёрын нэгийг даран унагалаа…
Астрал
Нэгэн зүүдний хэсэг бусаг:
Махан биеэсээ гарч байна. Анх хэвтсэн газраасаа гарч гадуур явж(/хөвж?) хүн амьныг юу хийж байгааг ажиглаж байсан санагдана. Яг л бодитой юм шиг. Энэ бүхэн төсөөлөл болов уу? Эсвэл жинхнээсээ тэгж мэдрэгддэг юм болов уу?
***
Маш олон хүн нэгэн том уулын уруу чарган ралли хийж байсан. Гулгахад таатай байлаа. Олуулаа хөгжилтэй байсан…
Сэрээд астрал аялал хийхийг илүү ихээр хүссэн.
Захиас
“Миний хүү гоё яв. Улс хүнийг хувцсаар нь олзолдог юм. Уруу дорой явбал дээрэлхэх гэнэ, захын нохой хуцна шүү.”
Гэхдээ л… “замын нохой хуцаж л байдаг, жингийн цуваа явж л байдаг”…
Тамга
Бас нэгэн жигтэй зүүд. Хугасыг нь бичсү:
“Дин дон”. Үнэндээ хаалга дуугарсан эсэхийг бүү мэд, би хаалгаа тайллаа. Б охин хар гүйхээрээ жорлон руу гүйсээр “хачин өвөрмөц”-өөр хөнгөн бие засч эхлэв ээ…
Бид ярилцаж байв. Түүний баруун хацар дээр эгээ л дөнгөж саяхан тамгалсны сорви мэт улаан үсэг (“G”?) тод харагдахыг би ажаад “энэ юув” гэхэд, нэг дэлгүүрийн лого, “ингэвэл” намайг дэлгүүрээр нь давуу эрхтэй үйлчлүүлж болно гэсэн ухааны юм хэллээ. Уг нь хөөрхөн охин сон. Нүүрээ зарлалын самбар болгосон түүнийг би өрөвдөж буйгаа илэрхийлэхийг оролдов… Бид тэр дэлгүүрээр нь ороод гарсан юм даг, тансаг дэлгүүр л байна лээ.
М охин дараа нь бидэнтэй нийлсэн санагдана. М их хөдөлгөөнтэй, “галзуу”. Заримдаа ядаргаатай санагддаг юм…
Би гадагшаа яаралтай гарах ажилтай болжээ. Гарсныхаа дараа л нөгөө хоёрыг гэртээ үлдээснээ санав. За яахав, хаалга сайн хаагаад гарахаа мэдэх байлгүй…
“Та EngЛИШЬ хэл сурмаар байна уу?”
Хэлний талаар галзуу бичлэгүүд байна, уншчихаач:
http://injanna.blogspot.com/ “Та EngЛИШЬ хэл сурмаар байна уу?”
Хунт нуур
Өнөөдөр бол би энэ төрөлдөө балет хэмээх бүжигт жүжгийг, чухамдаа “Хунт нуур”-ыг анх удаа үзсэн өдөр.
Балет гэхээр л “Хунт нуур”-ын цасан цагаан банзалтай, өлмий дээрээ дэгдэгэнэсэн бүжигчдийн нийтлэг дүр бүдэг бадаг төсөөлөгдөж, бас П.Очирбат гуайн бие хамгаалагчтай онигоо санаанд ордог байлаа. Зөв л дөө…
Зохиол нь бараг л Диснейн “Хун гүнж”. Ө, “Хунт нуур”-ыг мэддэг байсан юм байна… Хүмүүс H1N1-ээс үл айн бултаараа балет үзэхээр ирсэн байсан… Гоё л доо…
Хамгийн таалагдсан хөгжимтэй, бүжигтэй дүр нь Родбарт. Ер нь эсрэг дүрүүд лаг, ухаантай, сүртэй байдаг даа… Гэхдээ Одеттын бүжиг бас тансаг л даа.
Цийн – цин-цин-цин-цин – цийн-ци-цийн…
Дараагийн удаа бэльтажнаас үзнээ.
Ингээд алдарт дөрвөл:
Авираад бай.
Анх хаданд авирснаас хойш даруй хагас жил өнгөрчээ. Тэгээд өдий хүртэл авирахгүй байснаа саяхнаас тогтмол хичээллэж эхлэв. Хичээллэх тусам сайжирч буй нь илт мэдрэгдэж байна.
Интернэтээс хаданд авирахтай холбоотой зарим нэг зураг олсноо хуваалцсу.
"Bouldering." Уян хатан чанар зайлшгүй!
Аварга загас
Өглөө хоёр ч тусдаа зүүд зүүдэлсэн. Даан ч нэгийг нь мартжээ. Нөгөөг нь хагас дутуу санаж байна:
Далайд. Би усан онгоц руу нэг шатархуу зүйлээр дамжин гарав. Онгоцон дээр нэгэн аварга загас баригдсан байна. Хүмүүс нуруун дээрх загалмайд нь орсон гох дэгээг салгав. Аварга загас гүрвэл шиг мөлхөж байгаад хитэг даваад далай руугаа орчихлоо…
Хөдөөний зургууд
Марзан охин.
Бүрэнд байхдаа авсан зургуудаас ганц нэгийг үзүүлье (8 сарын 3-аас 17-ны хооронд дарсан). Зураг бүрийн дор тайлбар бий. Read the rest of this entry »
Бийр, тамга, дугуй
Нэг. Уржигдар нэгэн эрхэм хүнээс уран бичлэгийн бийр бэлгэнд авсан. Чамд баярлалаа :) Хөдөө сайн яваад хурдан эргэж ирээрэй…
Хоёр. Өчигдөр Сүхбаатар ахаас хувийн тамга бэлгэнд авав. Танд гялайлаа. Таны уран бүтээлд амжилт хүсье.
Б.Б.Дөлүгэн
Урлаг гэж юу байдгийг үл мэдэгч мөртлөө энэ тамгыг хэзээ жинхэнэ уран бүтээл дээрээ дардас болгон дарах юм бол доо хэмээн бодож сууна.
Гурав. Огт өөр зүйл. Өчигдөр цалингынхаа үлдэгдлийг аваад бас нэг баярлав :P Мөнгө нэмж байгаад дугуй авахаар шийдлээ. Хотоос гадагшаа утаа хаялах тэрэггүй замаар сайхан салхилнаа.
Update: Улирлын байдлаас болж дугуйгаа дараа зун болтол хойшлууллаа :(
